తెలుగు రాష్ట్రాల నుండి కుంభమేళాకు ఎలా చేరుకోవాలి

తెలుగు రాష్ట్రాల నుండి కుంభమేళాకు (ప్రయాగరాజ్) చేరుకోవడానికి వివిధ రవాణా మార్గాలు ఉన్నాయి. ఈ మార్గాలను ఉపయోగించి, భక్తులు సౌకర్యంగా మరియు వేగంగా కుంభమేళా స్థలానికి చేరుకోవచ్చు.

కుంభమేళాకు ప్రత్యేక రైలు సర్వీసులు: భారతీయ రైల్వే తెలుగు రాష్ట్రాల నుంచి ప్రత్యేక రైళ్లు నడుపుతోంది.

• జనవరి 13 నుండి ఫిబ్రవరి 26 వరకు జరుగనున్న మహా కుంభమేళాకు సంబంధించి, దక్షిణ మధ్య రైల్వే 16 ప్రత్యేక రైళ్లను నడిపించాలని ప్రకటించింది. ఈ రైళ్లు జనవరి 18 నుంచి ప్రారం‍భమవుతాయి. SCR మౌలా అలీ నుంచి అజంగఢ్ వరకు నాలుగు సర్వీసులను నిర్వహించనుంది. కాచిగూడ-పాట్నా, మౌలా అలీ-గయా, గుంటూరు-అజంగఢ్, నాందేడ్-పాట్నా మార్గాల్లో కూడా ప్రత్యేక రైళ్లు అందుబాటులో ఉంటాయి. ఈ రైళ్లలో 2A, 3A, స్లీపర్, సాధారణ సెకండ్ క్లాస్ కోచ్‌లు ఉంటాయి.
• జనవరి 18, ఫిబ్రవరి 8, 15, 23 తేదీల్లో తిరుపతి-బెనారస్‌ (07107) ప్రత్యేక రైలు ప్రయాణం ఉంటుందని వారు తెలిపారు.
• ఈ ప్రత్యేక రైలు తిరుపతి నుండి శనివారం రాత్రి 8.55 గంటలకు బయలుదేరి, సోమవారం మధ్యాహ్నం 3.45 గంటలకు బెనారస్‌ చేరుకుంటుంది.తిరిగి ప్రయాణం చేస్తూ, 07108 నంబరు రైలు జనవరి 20, ఫిబ్రవరి 10, 17, 24 తేదీల్లో బెనారస్ నుండి మంగళవారం సాయంత్రం 5.30 గంటలకు బయలుదేరి తిరుపతికి చేరుకుంటుంది.

నర్సాపూర్-బెనారస్ (07109) ప్రత్యేక రైలు

• ఈ ప్రత్యేక రైలు గూడూరు, నెల్లూరు, ఒంగోలు, చీరాల, తెనాలి, విజయవాడ, ఏలూరు, తాడేపల్లిగూడెం, నిడదవోలు, రాజ మహేంద్రవరం, సామర్లకోట, అన్నవరం, యలమంచిలి, అనకాపల్లి, దువ్వాడ, పెందుర్తి, కొత్తవలస, విజయనగరం, బొబ్బిలి, పార్వతీపురం, రాయగడ, మునిగుడ వంటి రైల్వే స్టేషన్లలో ఆగుతుంది.
• జనవరి 26 మరియు ఫిబ్రవరి 2 తేదీల్లో నర్సాపూర్-బెనారస్ (07109) ప్రత్యేక రైలు నడపబడుతుంది. ఈ రైలు నర్సాపూర్ నుండి ఉదయం 6 గంటలకు బయలుదేరి, తదుపరి రోజు మధ్యాహ్నం 3.45 గంటలకు బెనారస్‌ చేరుకుంటుంది.
• తిరిగి, 07110 నంబరు రైలు జనవరి 27 మరియు ఫిబ్రవరి 3 తేదీల్లో బెనారస్ నుండి సాయంత్రం 5.30 గంటలకు బయలుదేరి, నర్సాపూర్‌ చేరుకుంటుంది.