ఉగాది వృషభ రాశి ఫలితాలు – Vrushabha Rasi Phalalu 2026-27

ఉగాది వృషభ రాశి ఫలితాలు 2026-27

ఈ పరాభవ నామ సంవత్సరంలో వృషభ రాశి [Sri Parabhava Nama Samvatsara Vrushabha Rasi Phalalu 2026-27] వారి యొక్క రాశి ఫలితాలు, ఆదాయ –  వ్యయములు, రాజపూజ్య – అవమానాలు, దోష సమయాలు, అనుకూలించే శుభసమయాలు, స్త్రీలకు ప్రత్యేకించి కలిసివచ్చే అంశాలు, చేసుకోవలసిన శాంతులు, నెలవారీగా ఉండేటువంటి శుభ విశేషాలు సంపూర్ణంగా ఇవ్వబడ్డాయి.

• ఆదాయం – 5 , వ్యయం – 14 
• రాజపూజ్యం – 5 , అవమానం – 4

ఎవరెవరు వృషభ రాశి లోకి వస్తారు?

సాధారణంగా కింది నక్షత్రాలలో జన్మించిన వారు లేదా, కింది అక్షరాలను వారి పేర్లలో మొదటి అక్షరం గా కలిగిన వారు వృషభరాశి లోకి వస్తారు.

• కృత్తిక 2,3,4 పాదములు (ఈ,ఊ,ఏ)
• రోహిణి 1,2,3,4 పాదములు,(ఓ,వా,వీ,వూ)
• మృగశిర 1,2 (వే,వో) పాదములు

శ్రీ పరాభవ నామ సంవత్సర ఉగాది వృషభ రాశి ఫలాలు [Vrushabha Rasi Phalalu 2026-27] ఈ కింది విధంగా ఉన్నాయి.

పరాభవ నామ సంవత్సర వృషభరాశి రాశి ఫలాలు 2026-27

• ఈ రాశివారికి గురుడు 2026 జూన్ 1 వరకు ద్వితీయ స్థానమందు తామ్రమూర్తిగా సామాన్య ఫలితములను, తరువాు జూన్ 2 నుండి తృతీయ స్థానమందు గురుడు లోహమూర్తిగా ధన నాశమును కల్గించును. రాహు కేతువులు 2026 డిసెంబర్ షో తేదీ వరకు దశమ, చతుర్ధ స్థానములందు రజితమూర్తులుగా సౌభాగ్యకరమగు ఫలితములను, ఆ తదుపరి డిసెంబర్ 6వ తేదీ ను నవమ, తృతీయ స్థానములందు సువర్ణమూర్తులుగానూ సర్వ సౌఖ్యాలను కల్పించెదరు.
• శనైశ్చరుని ఏకాదశస్థాన సంచారం వల్ల వృత్తి వ్యాపారాలు, వ్యక్తిగత జీవితం ఆశావహం. ముందుచూపుతో పనులు పూర్తవుతాయి, ఆరోగ్యం సాధారణం. సంపాదన, వ్యక్తిగత జీవనం, కుటుంబ పోషణ, వ్యాపారంలో సమన్వయం. జూలై నెలాఖరు నుండి డిసెంబర్ ప్రారంభం వరకు వ్యాపార భాగస్వాములతో స్థిరమైన పొత్తులు. వక్రించడం వలన ఆర్ధిక ప్రయోజనాల తగ్గుదల.
• సిమెంట్, గృహనిర్మాణ సంబంధ వ్యాపారులకు అధిక ధనాదాయం. న్యాయవాదులకు, అకౌంట్ రంగం వారికి తగినంత ఆదాయం వ్యక్తిగత గుర్తింపు, వృత్తిలో రాణింపు, న్యాయాధికారులకు ఉన్నతాధికారులకు గుర్తింపు. అందరి నుండి ప్రశంసలు, ఇనుమ, సిమెంట్, ఇనుము, స్టీలు, మైనింగు మొదలగు వ్యాపారస్తులకు అధికాదాయం. షేర్లు, పెట్టుబడులు సామాన్యం. రైతులకు అనుకూలం. జలచర సంబంధ వ్యాపారులకు, ఫౌల్ట్రీ వ్యాపారులకు సామాన్యం. రైస్ మిల్లర్లూ, పారిశ్రామిక రంగం వారికి అనుకూలం.
• తృతీయ స్థానమైన కర్కాటకమందు ఉచ్ఛ గురుని ప్రభావం వలన ఇతరులతో సంబంధాలు మెరుగుదల. చేసే పనిని ఆసక్తితో చేస్తారు. తోబుట్టువులు, బంధువులు మరియు ఇరుగు పొరుగువారితో అద్భుతమైన సంబంధాలు. రచయితలు, ప్రచురణ కర్తలు సమాజంలో భాషాపరమైన, సాహిత్యపరమైన గౌరవాన్ని ఇనుమడింప చేయడానికి విశేషకృషి చేస్తారు. విద్యార్థులు గొప్ప జ్ఞాపకశక్తి కలిగి గొప్పగా విజయం సాధిస్తారు.
• ఈ రాశివారికి డిసెంబరు మొదటివారం వరకు దశమ, చతుర్ధ స్థానములందు వరుసగా రాహుకేతువుల సంచారం అనుకూలము. ఉద్యోగములో వృద్ధి, వృత్తి వ్యాపారాలలో తగిన గుర్తింపు, ఆదాయం, గృహ విషయాలు సౌఖ్యకరంగా ఉంటాయి. ఈ రాశివారిపై రాహుకేతువుల ప్రభావం అనుకూలం. వీరికి నిత్యోత్సాహం, ఆర్ధికవృద్ధి. ఉన్నత చదువులు కలసిరావడం, అన్ని పనులలోనూ ప్రయత్నాలు సఫలీకృతమవ్వటం, అలాగే వీరికి ఇతరుల నుండి ప్రోత్సాహం ఉంటుంది.
• శివారాధన మరియు హనుమాన్ చాలీసా పఠించుట వలన మంచి ఫలితములు వీరికి కలుగును.
  వృషభరాశి వారికి అదృష్టసంఖ్య 6, 2 మరియు 6 తేదీల సంఖ్యలు బుధ, శుక్ర, శనివారాలతో కలిస్తే మరింత అనుకూలం.