నిర్గుణ, నిరాకర, పరబ్రహ్మ, సర్వ వ్యాపకుడు అయినటువంటి ఆ దేవదేవుడు చరా చార జగత్తు అంతటా వ్యాపించి నిరాకారుడై లింగస్వరూపంగా ఆవిర్భవించిన పరమపవిత్రమైన రోజే ఈ మహాశివరాత్రి. అదే మాఘ మాస కృష్ణ పక్ష చతుర్ధశి.

ప్రతి నెలా వచ్చే కృష్ణ పక్ష చతుర్ధశిని మాస శివరాత్రి గా భావించి శివానుగ్రహం కొరకు విశేష పూజలను భక్తులందరూ ఆచరిస్తారు. అయితే మాఘ మాసంలో వచ్చే ఈ కృష్ణ పక్ష చతుర్ధశిని మాత్రం మహా శివరాత్రి గా అత్యంత వైభవోపేత రీతిలో జరుపుకొంటారు. శివపద మణిమాల ఆధారంగా ‘శి’ అనగా శివుడని ‘వ’ అనగా శక్తి రూపమని అర్ధం. అట్టి ఆ శివునికి మహాశివరాత్రి పర్వదినమున చేసే అర్చనాది కార్యక్రమములు విశేషమైన ఫలితములను ఇస్తాయి.

అయితే నిర్మలమైన మనస్సుతో శివలింగమును లేదా శివ పంచాయతనమును పూజించు విధానము (Shiva Puja Vidhi) మంత్ర పూర్వకంగా కింద గమనించగలరు…