సంపూర్ణ చంద్ర గ్రహణం | ఈ నెల చంద్రగ్రహణం యొక్క పూర్తి వివరాలు

శ్రీ హేమలంబ నామ సంవత్సర మాఘ శుక్ల పూర్ణిమ బుధవారం ది.. 31-01-2018 తేదీ బుధవారం రాహుగ్రస్త గ్రస్తోదయ సంపూర్ణ చంద్ర గ్రహణం.

ది. 31 – జనవరి – 2018 , శ్రీ హేమలంబ నామ సంవత్సరం మాఘ మాస పౌర్ణమి బుధవారం పుష్యమి, ఆశ్లేష నక్షత్రములందు సాయంత్రం 5.17 ని నుండి రాత్రి 8.41 వరకూ సంపూర్ణ చంద్ర గ్రహణం (Total Lunar Eclipse on January 31, 2018) ఏర్పడును. ఈ గ్రహణం భారత దేశమంతటా కనిపించును. ఐతే ఈ సంపూర్ణ చంద్రగ్రహణం పడమర దిక్కు నుండి తూర్పు దిక్కుకు ప్రయాణిస్తుంది. ఈ గ్రహణం పూర్తిగా ఒక గంట 16 నిమిషాల 4 సెకన్ల వరకు ఉంటుంది.

ద్వాదశ రాశుల వారికి ఈ గ్రహణ ఫలితములేవి?

ధనస్సు – మేషం – కర్కాటక – సింహ రాశుల వారికి అధమ ఫలితము.
వృశ్చిక – మకర – మీన – మిధున రాశుల వారికి మధ్యమ ఫలితము.
కన్య – తుల – కుంభ – వృషభ రాశుల వారికి శుభ ఫలములను పొందుతారు.

ఎవరు ఈ చంద్ర గ్రహణాన్ని చూడరాదు?

ఈ సంపూర్ణ చంద్ర గ్రహణం పుష్యమీ, ఆశ్లేష నక్షత్రాలు, కర్కాటక రాశులలో సంభవిస్తున్న వలన పుష్యమి, ఆశ్లేష నక్షత్ర జాతకులు, కర్కాటక రాశి వారు చంద్రగ్రహణం చూడరాదు మరియు గ్రహణ శాంతి జరిపించుకోవలెను.